விழி இரண்டிலே எனைக்கலந்தேன்
உந்தன் உடலிலே உயிர் துறந்தேன்
கரிய கூந்தலிலே கரைந்து விட்டேன்
மலர் சூடும் பூவை உன் மனம் நுகர்ந்தேன்
வேரைப்போல் என் உடல் முழுதும்
சிறு கிளைகள் விட்டு நீ பரவி விட்டாய்
உந்தன் பார்வைதனை உந்தன் வார்த்தைதனை
எந்தன் வேருக்கு நீராக்கி
காதல் விதையை நீ விருட்சமாக்கினாய்
விருட்சம் மடிவது கடினம்
என் காதல் என்பதோர் புனிதம்
உன் இதழ் நுனியில் என் உடல் வைத்தேன்
காதல் உயிர் தன்னை நீ கொடுத்தால்
உடலும் உயிருமாய் இரண்டறக்கலந்து
இறப்பு என்பதை மறந்திடுவோம்
புதிதாய் மறுமுறை பிறந்திடுவோம்
No comments:
Post a Comment